شرح موقع Alison والحصول علي شهادة مجانية

شرح موقع Alison والحصول علي شهادة مجانية

من المواقع المشهوره جدا واللي فيها ملايين المتعلمين وبتحتوي علي اكتر من 1500 كورس ، منصه Alison العالميه اللي تقدر تاخد منها شهادات معتمده من جامعات هي الافضل .

بيحتوي الموقع علي اقسام ومحتوي علمي كبير من التخصصات زي تخصص -اللغات -البرمجه -الكومبيوتر -التسويق -العلوم - الصحه -العلوم الاجتماعيه ، الموقع من فتره كبيره كان بيمنح شهاده مجانيه مع أي كورس ولكن مع التحديث الجديد أصبح المحتوي مجاني ولكن بدون شهاده ، وفي الشرح ده هنعرف ازاي ناخد شهاده مجانيه .

من الحاجات المميزه جدا في الموقع أنه بيحتوي علي قسم للدبلومات لتخصصات كتير ، يعني ممكن تاخد دبلومه في الانجليزي ، التسويق ، الموارد البشريه ، الكيمياء، وانت في مكانك في البيت ، نبدا شرح الموقع من البدايه ولازم نركز كويس .

1- هندخل الموقع من هنا :-  https://bit.ly/329cJq4
هتفتح الصفحه الموجوده قدامكم دي ، لو انت معاك حساب علي المنصه هتعمل Log in ، إنما لو اول مره علي المنصه هتعمل Sign up ، يلا سجل عشان تتابع الشرح عملي .

2- هنفترض انك اول مره تسجل معاك طريقين هم الافضل ، انك تسجل من خلال الجيميل لما تضغط continue with Google ، أو تنزل علي المربع اللي تحت وتكتب اسمك والايميل والباسوورد وتضغط sign up ، هتوصلك رساله تفعيل الايميل اضغط عليها وكده حسابك اتفعل .

3-هتفتح معاك المنصه زي في الشكل كده بيديك معلومات علي المنصه والموجود فيها ، لو حابين ندور علي كورس معين او تخصص أو دبلومه هنعمل ايه ؟
هنضغط علي ال3 خطوط اللي فوق بعض شمال المنصه زي م السهم موضح كده .

4- هتظهرلنا قائمة فيها اختيارات الكورسات أو دبلومه ، والكورسات المشترك فيها ، هندخل علي اختيار Certificate courses لو حابين ناخد كورس بشهاده ، إنما لو عايز دبلومه فهتدخل لقسم ال Diploma courses.

5-بعد مضغطنا علي اختيار الكورسات ، هتظهرلنا اقسام كتير جدا ولنفترض أننا مهتمين ناخد لغه ونميها ، انا هختار قسم الانجليزي وادوس عليه .

6- هتظهرلنا مجموعه كورسات للانجليزي هنختار منها الكورس اللي يناسبنا ونضغط علي Start Now.

7- هتظهر معلومات عن الكورس زي ال rate وعدد الطلاب الموجودين فيه ، هنبدا في الكورس لما تضغط علي start courses now .

8- بعد متضغط هيظهرلك الشكل ده هتستني 5 ثواني ومن بعدها هتظهرلك كلمه start topic اضغط عليها هيظهرلك هيفتح الكورس معاك وكل ما تنتهي من مزاكره درس هتعمل Next عشان تدخل علي الدرس اللي بعده .

كيف تحصل علي شهاده مجانيه من موقع Alison

وصلنا لأهم جزئيه من الشرح ، ازاي ناخد شهاده مجانيه من الموقع ، أو شهاده دبلومه للتخصص بتاعك .

هننزل لآخر جزء في الموقع هنلقي قسم مكتوب عليه LEARNING ، وتحت منه اكتر من اختيار ، هنختار قسم Refer a friend . 

هتظهر الصفحه الموجوده قدامك هنضغط علي start refering my friends ، هتوصلنا لآخر الصفحه زي مهنتابع .

هيظهرلك لينك هتعمله copy ، اللينك ده تشيره مع اصحابك أو علي الجروبات ومن خلاله تقدر تاخد الكورس أو الدبلومه بشهاده مجانيه .

 ملاحظات لازم تاخد بالك منها :-
- لو هتاخد شهاده لكورس لازم 3 يسجلوا من اللينك وكل واحد ياخد كورس مجاني ويخلصه في خلال 30 يوم ، وانت ممكن تعمل 3 اكونتات مختلفه وتسجل وتاخد الكورسات .
- لو حابب تاخد دبلومه مجاني لازم 25 واحد يسجلوا من خلال اللينك بتاعك وكل واحد فيهم يخلص كورس مجاني .

ممكن تكون الطريقه صعبه شويه بس مفيش علم بالساهل وعشان تنجح لازم تتعب .
لو واجهتك اي مشكله ممكن تكتبها في الكومنتات وان شاء الله هساعدك في انك تحلها .