كورس التحضير لامتحان الايلتس ILETS مجاناً مقدم من جامعه كوينزلاند بأستراليا
من اقوي الكورسات الاونلاين الموجوده للتحضير لامتحان الايلتس ، عدد الطلاب اللي سجلوا في الكورس اكتر من مليون طالب بتقييم عالي جدا .
الكورس بتقدمه جامعه من الجامعات العريقه بأستراليا وهي جامعه كوينزلاند بخبراء ومتتخصصين في المجال وكمان المنصه بتقدم شهاده الكورس بس قيمتها 100 دولار ، وفي شرح تاني هنعرف ازاي ناخد الشهاده من 5 دولار الي 10 دولار ، يعني يعتبر مجانا بالنسبه لسعر الكورس الأساسي وقيمته العلميه .
دلوقتي هتعرف معلومات عن الكورس وايه هو امتحان الايلتس وليه مهم أننا ناخد الشهاده .
ما هو امتحان الايلتس ILETS
- ILETS هو امتحان اللغة الإنجليزية الأشهر في العالم ، وللراغبين الدراسه في الخارج والباحثين عن المنح في البلاد الاجنبيه ، فالجامعات دائما ما تطلب امتحان الايلتس .
- هتتعلم في الكورس ده اجراء اختبارات IELTS الأكاديمية بثقة تامه ، لأن هيكون ليك وصول لاكتر من 80 ساعه في التدريب والاختبارات اللي هتقوي قدرتك في المهارات الاساسيه للامتحان وهم الاستماع والتحدث والقراءه والكتابة.
- الكورس مصمم من خبراء التدريس والمتخصصين في جامعه كوينزلاند بأستراليا ، وده بيخلي الكورس اعتماد قوي فانت تقدر تدخل الامتحان وانت مطمن وواثق انك هتحصل علي درجه عاليه في الامتحان من غير متدفع فلوس في المراكز لكورسات التحضير للامتحان .
- يتضمن كل قسم من هذه الدورة عروض تقديمية متعددة الوسائط تستعرض مهارات واستراتيجيات وتقنيات إجراء الاختبارات الرئيسية. ويصاحب ذلك مجموعة متنوعة من التمارين والأنشطة التفاعلية على غرار IELTS التي توفر ممارسة مركزة للمهارات والاستراتيجيات والتقنيات التي تحتاجها لأداء أفضل ما لديك.
هل مطلوب منك معرفه أو خبره سابقه عشان تسجل ؟
غير مطلوب منك خبره كل اللي تعمله انك هتسجل في الكورس وتزاكر كويس ، ومناسبه لاي شخص بيستعد لامتحان الايلتس .هتتعلم ايه في الكورس ؟
-هتعرف شكل وإجراءات امتحان الايلتس .-هتعرف وتتعلم استراتيجيات عشان تنجح في الامتحان .
-مهاراتك في القراءه والكتابه والتحدث والاستماع هتتطور بشكل كبير جدا .
محتويات الكورس
الكورس بيحتوي علي أربعة وحدات لأربع مهارات مهمه جدا وهي اللي بيقوم عليها امتحان الايلتس وهي مهارات الاستماع والتحدث والقراءة والكتابه ، وهنعرف دلوقتي محتوي كل وحده وايه اللي هتتعلمه في الكورس .الوحدة الأولي : الاستماع
هتاخد في البدايه نظره عامه علي اختبار الاستماع في الايلتس ILETS والمحتوي الخاص به .هتتعرف كل قسم من أقسام اختبار الاستماع ، ونوع الاسئله ، وتمارس وتجرب علي أنواع الاسئله واكتساب المهارات اللي هتحتاجها في الامتحان .
الوحدة الثانية : التحدث
هتعرف في الوحده دي ميزات اختبار المحادثه ، وهتكون مستعد للجزء الاول من الاختبار ده ، هتعرف القواعد المستخدمه في التحدث ، وتعبر عن الاشياء اللي بتحبها وبتكرها ، هتتعلم تمدد اجابتك وتخليها اطول .أما الجزء الثاني من اختبار التحدث ، هتعرف تنظم افكارك ، هتقوي بدايه ونهايه محادثتك .
الجزء التالت من اختبار التحدث ، بيركز علي المناقشه وتطوير المفردات ، وقواعد المناقشه الناجحه ، وهتتعلم الاستراتيجيات النطق الصحيح للكلام .
الوحدة الثالثة : القراءة
بتبدأ الوحده دي بنظرة عامة على اختبار القراءة في IELTS ومحتواه، هتعرف معلومات مهمة علي ما تم تصميم الاختبار لتقييمه وأنواع الأسئلة المختلفة المستخدمة في اختبار الايلتس، وهتكون في فرص لممارسة المهارات التي تعلمتها.الوحدة الرابعة : الكتابة
بتبدأ الوحدة بنظرة عامة على اختبار IELTS للكتابة ومحتواة ،هتتعلم ازاي تحدد أنواع مختلفة من المرئيات ، وتحديد ووصف الموضوع والميزات الرئيسية لهذه العناصر المرئية ، وكيفية كتابة فقرة نظرة عامة لتلخيص المعلومات الأساسية ، ومعلومات اكتر هتعرفها من خلال الوحده دي لما تسجل في الكورس وتوصلها .لينك التسجيل في كورس التحضير لامتحان الايلتس من جامعه كوينزلاند :- اضغط هنا
-وصلنا لنهايه شرح الكورس وايه المهم فيه ، وعشان تقوي نفسك اكتر وتستعد للامتحان ده ماتريال كامل للايلتس مرفوع علي جوجل درايف تقدر تحمله وتسمعه لما تضغط هنا
-لو عايز تاخد دبلومه تدريس اللغه الانجليزيه مجانا بشهادة معتمده من جامعه ولايه اريزونا الامريكيه اضغط هنا
- اقوي كورسات انجليزي اونلاين بشهاده معتمده تقدر تاخدها لما تضغط هنا
- لو حابب تعرف كل جديد تقدر تعمل انضمام للموقع عشان تتابعنا ، واي استفسار في الكومنتات .
تعليقات
إرسال تعليق